|
|
 |
| |
|
 |
| |
|
|
|
|
Racconto: "Spasegiada in Val Malenc" - 2000
|
|
|
|
|
|
SPASEGIADA IN VAL MALENC
L'era insci una giurnada da bel temp, a parte dua pisni nigulini... Pero' in tant che paseum su a Sumdoss al sa cuertea sempri da plu. Purtropp eum lasu' a ca i pampers, che i ma saroan vignii bon dopu la storia ca la ma cuntu su Debora... pense' che st'an al ga ne un cal po miga i a cascia, parchi le stait centru da un fulmin, sicome al tignia al sciop come n'antena (e isci che l'era un casciadur esperto: pensa che chelilo' la culeziunu trofei e ravis come poc'altri in val!).
E insoma am ciapu' un po' da fofa, parchi suli foto ca la svilupu' Debora, quel casciadur al guardea fo' un po' mal.
D'altra part ma sem metui al cor in pas, parchi al nos casciadur Tomi stan le fora pericul, sicome le i in Francia a impara' al giapunes!
Comunque la gita le proseguida ben, el pas da Canfinal le stait domu da nualtri impavidi sherpa, dopu ave' scavalcu divers recinti dali vachi e ave' strisciu miga mal fra pocia e sass.
Dopu ave' brindu a l'impresa cun na quai butiglieta da vin (cun un otim fond!), ma sem viai gio' dali corni cume camosc, seguendo al proverbio "in gio' ogni vaca travaca". Tutt da un colp, guardat in gir, auf auf!,
mateli san fugurea plu. Par furtuna Marches al ghea scia' al canucial e dopu na breve ricerca ian podu esa truvadi, ingandadi su par un repic!
Eh bon, e dopu mila peripezii am tacu a senti la prima gota, ma parlum miga da una gota qualsiasi... l'era propri acqua! Svelt a foc e flami, ga sem amo rivai a immortala' una muntanela (o murmela, che dir si voglia)
prima da sa rama' a teit sota un culont da qui teribii.
E in dal fratemp al nos servizio segreto (Schumi) al muntea na parabolica el pruvea a ragiunga la base (Von e Zanet) senza sucess. Ah na bela base gheum scia!
Cume sa dis: l'acqua la smagia miga! Quindi Schumi e Poldu i decidan da sfida' la sorte, avventurandosi gio' par la strada in mezz ali intemperi! E nualtri chi fama?
Segond al metereologo Marches al sa tratea noma da quatru goti, che pero' segond Maro li sen trasfurmadi in quatru sedeli! E ilura gio' anca nualtri fa tron fulmin e grandine!
Al servizio segreto al cuntinuea a manda messaggi senza esito e la base dal canto suo al san sbatea i maroni... aroum podu resta' tucc fulminai secc!
Al sul le spuntu svelt ma la regalu' l'arcobaleno noma a Cristina e Danila... Sciupasal, da cura la fait l'eclissi l'e diventu pultron! E sci che pagum li imposti!
La stancheza la cuminciu a sa fa senti', tanc i ghean mal ala lepa parchi i la zapean su cui scarpon e par miga sa intupa' in una betulascia i sen ii a cascia'!
L'avangurdia dai pionieri (guidada da Marina e Sabi) invece la se viada gio' in mez a mila galerii e par poc restum sota al Golf da Zanet, ca finalment al ga agiu' un po' da rimors da cuscienza e le vegnu' a ma cerca...
Le stait insci che l'anada dal '77 le entrada in dal Guinnes di primati: am cargu' quasi tutt l'avanguardia in dal Golf: disum quasi tutt parchi la crapa da Miciu la vanzea fora dal teitin apribile e la riscea ad ogni bocc da salta via...
E chi si vede finalment! Von e se bus cal s'avventura a la ricerca del gruppo perduto... Purtropp "ohne Erfolg". I por mostri dala retroguardia ian giu da sa la poma gio' tuta a pe'! Tanta da salute!
A scena am spazu' tutt e tucc. Quel poc cal sarof vanzu al ga pensu' Schumi al fa spari'!
Paolo al ma fait na bela serenada, ma le rivu' noma ala segonda strofa, parchi ala terza al ghea plu' us... E isa dopu dua uri da spatasciament da cabeza par ga riva a tra in sem quatru righi am decis da gan dan tai cul raport, prima da sa disidrata' dal tutt!
Riassumendo: l'e' stait propri bel! In dont vama l'an prosim?
Miciu, Pin e Marches
|
|
|
|
